مش فاكرة امتى اول مرة ادركت انى خلاص كبرت ,
و انه خلاص مبقاش فيه زى زمان حضن ماما و بابا عشان اجرى عليه
و طبعا بعدها كنت باحس بالامان الرهيب اللى اكيد بعدها كل حاجة هتكون كويسة
دلوقتى اكتر حاجة متأكدة منها انى فى الدنيا لوحدىو اه فيه ناس لطيفة ,
و فى ناس الطف بيقولوا كلمة " انا موجود عشانك " و اكيد باحس بسعادة لما باسمعها
بس باكون متأكدة انه مش قاصدها لانه بعد خمس دقايق يمكن يموت او يسافر او حتى يزهق منى ,
و برضه ماشى باسمعها بس عارفة انها مش حقيقية
و بقيت فى اكتر لحظات قربى من الناس او من شخص معين باكون متأكدة ان فى لحظة تانية هاحس بينا ببعد السما و الارض
يمكن اكون مش فاهمة كويس بس بقت هى دى الحقيقة اللى قدام عينى
و اللى مخليانى اخاف اكون قريبة من اى حد
و بتخللى عينيه تدمع لما ابص فى عيون حد بعمق
و باحاول اشوف انى اسد مع انى بسكوتة
و باحاول اعيش اللحظة
و افهم حاجة لعل و عسى اروح فى حتة
