احلى حاجة باحبها فى كل يوم الصبح
احساس صباح الخير
باصحى الصبح كانى طفل , على وجهى ابتسامة عريضة و حاسة احساس صباح الخير و انه النهاردة يوم احسن و فيه حاجات اجمل
بس اتفزعت لما صحيت يوم و محستش كده
كنت بافكر فى اللى حصل امبارح
يا ترى حصل بجد و لا محصلش
دخلت الحمام و اول ما شفت وشى فى المرايا , ادركت انها حقيقة
نعم لقد فقدنا فلان
و ليس معنى الفقد انه مات او سافر
بس اهو مش هيكون موجود فى حياتنا
لبست و رحت الشغل و كملت ايامى عادى كأن مفيش حاجة حصلت
و عدت الايام و دايما بيوحشنى و بادور عليه
انا فكرة كويس اول مره حد مات فى حياتى
يمكن مراسم الموت ساعدتنى ساعتها و من وقتها انى استوعب و افهم يعنى ايه حد مات
و بعدها الناس بتييجى تواسيك و يحاولوا يخدوا بالهم منك
لكن من ساعتها و لا حد كلمنى و لا الموضوع اتحكى
و كانه فقدان شخص من حياتك شىء طبيعى او كانه كان مش موجود
او كاننا خلاص بقه كبارر كفاية لاستيعاب هذه الامور
بس باقولكم لا انا مش كبيرة و مش مستوعبة و رافضة هذا الفقدان
و بافتكره لما اصحى الصبح و ابص فى المراية عشان بلاقى انى نمت معيطة
3 comments:
عارفه يا امنيه
انا كل يوم لما بقوم من النوم مش باصدق ان والدتي ربنا يتوفاها في رحمته ان شاء الله .. ماتت
ده لو عرفت انام اصلا
بالرغم من ان وفاهتا داخل عليها سنه لغاية دلوقتي لكن لسه حاسس انها ماتت امبارح بس
مع كل لحظه بافتكرها
يمكن لانها لما ماتت .. مات جوايا حاجات كتير
كتير قوي
سعيد بزيارتي ليكي وبزيارتك لمدونتي المتواضعه
وسعيد اكتر بوضعك لاسم مدونتي في مدونتك الجميله دي
سلامووووووووز
يا امنية نحن خلقنا لنفترق الفراق نهاية كل علاقة مهما دامت لذا دائما لا تحزنى لفراق شخص بل دائما تذكرى لحظاتك السعيدة معه وتمنى له التوفيق فى مكانه الجديد اذا كان معنا والرحمة له ولنا اجمعين اذا كان فارق حياتنا
امنية ... ده موت من غير جنازة و لا ميت
:S
Post a Comment