"على فكره يا أمنية. انتى احلامك سابقاكى "
ناس كتير قالتلى كده
و دايما اول ما باسمع الجملة دى
بييجى على بالى صوره احلامى كأنها ليها رجليين طويلة
"زى الراجل بتاع السيرك"
و اكتشفت فعلا انى باحلم بدرى اوى ... يمكن قبل ما الحاجات تحصل بكتير و باتخيل التفاصيل
استاذى و هو عزيز عليه جدا .. قالى جملة مهمه اوى
"امنية .. اكتبى احلامك فى ورقة .. و لما تكتبيها اكيد هتحصل "
عجبتنى اوى الجملة دى لما قالها
و من ساعتها و انا باعمل كده فعلا
و اكتشفت انى مش هاعرف اعيش من غير ما احلم
و تفاصيل الحلم هى اللى مخليانى بصه بعيد
و حتى لو ماحصلش اى حلم
بس انا عيشته فى خيالى بكل تفاصيله
و بعدين يعنى ... لو ماحلمتش و عشت فى دنيا تانية .. هاقعد هنا فى الحقيقة اعمل ايه يعنى
لو قعدت فى الحقيقة .. هاكشر زى بقيت الناس
خلينى بقه انا و احلامى بنجرى ورا بعض
و هنشوف ميين رجليه اطول من التانى
No comments:
Post a Comment